Sompono Hari Ibu,
hari ini
den bawak omak den
ko pot deksen
nenguk air
bokojar.
Maso den kocik-kocik
orang-orang
pokan somban
gomar bonar
monggiat
”kau poi pot
deksen
nengok air
bokojar yo jang!”
Yolah capolah
den,
niang uwan den
marin
orang Koru
Morobau
Moranting,
Tu Kikir.
morantau pulak
ko Polongai
niang atuk den
pum tanah di
Manchis
tumpahlah darah
kolahiran den
di Ponson,
longang dah
kampong den ni
sodo eh dah
pindah ko Sophie.
Mulo ee pindah
dulu tu
korah dek orang
putih
Porentah
Bokorung
Emojensi
duduk dalam
pagar kawat
boduri
makan nasi
kawah
pakai kat
ngambik ee
sekso boto idup
buek dek orang
putih
Keminis pulak tu
goma bona bakar bas
sekso boto idup
maso tu.
Tompi, sekso-
sekso idup maso tu
orang putih buek
Undang-Undang
Emojensi
nak melawan
Keminis
Hari ni pulak
Orang Bosar kito
kojo ee lain
takdo
mombolit
undang-undang
lah pulak
yang bulih kato
ee tak bulih
yang tak bulih
dibulih ee pulak.
Ontah apo nak
jadilah bangso kito ni
dulu musoh kito keminis
ni sumo ee
dah jadi toke koporat,
jadi montori pun ado,
yang jadi
montori kek
montori pun ado
ayo
tak somonggah
boto
sodo ee koparat!
Dah tuo rento
den ni
Pot Deksen
bokojar yo air ee
macam maso den
kocik-kocik
tompi maso tu
kito kona capo
musoh kito
ni keminis dah takdo
tompi wajib
mustahil
dah borenti
pulak dio
bokojar!
dari kocik sampai
bosar sampailah
ko tuo
air pot deksen
totap yo bokojar
tompi bangso
den
botambah nak
moda.
Selamat Hari ibu,
omak
yassinsalleh
0557 hrs mei 10, 09.
Menjunjung
Kasih Ibu
-omak den!-
Avillion Admiral Cove,
Port Dikson, N9
yasleh rita ayu, yasleh khaliff amri, yasleh hani wati
Introduction
- The Yaslehs
- Since 1968, when his first poem Sebuah Sumpah Derhaka was published in Majalah Mastika, dad has written voraciously, but at the same time is so disorganized that we could hardly keep track of what he has written. It is even worse now that he writes his poems in his phone and sms it to us his children. Believe you me, he spent a lot of money on smsing long poem to us that is sometimes lost to accidental deleting. So we, his three children - Yasleh Rita Ayu, Yasleh Hani Wati, and Yasleh Khaliff Amri - decided that enough is enough, we need to keep some kind of record of his poetry, thus the creation of this blog. This will be a cache to collect all his old poems and a safe to keep all his future ones. In the film world, mentioning my dad's name will immediately brings to mind his 9 awards winning film Dia Ibuku in which he personally won 2 - Best Director and Best Screenplay- but in the literary world the poem ikan-ikan di kaca is synonymous to him, hence the name of this blog.
Subscribe to:
Post Comments (Atom)
No comments:
Post a Comment